СТОИМЕНОВ ДООЕЛ е компанија која успешно работи и опстојува повеќе од 30 години на Македонскиот пазар. Основана е далечната 1992 година во Кочани, со примарна цел за изградба на инфраструктурни објекти и објекти од нискоградба.

Првите објекти во нашето портфолио беа телекомуникациски мрежи во скоро сите населени места од Источниот дел на Македонија, кои ги изведувавме од самиот почеток па се до 2005 година. Со тогашниот развој на државата и зголемената изградба на локални, регионални патишта и улици, набавена е опрема за асфалтирање со што стануваме првата приватна компанија од источниот дел која поседува опрема за асфалтирање. Успешното менаџирање и раководење со компанијата, кое се заснова на следење на сите текови, случувања и потреби на нашите партнери, придонесе до развој, проширување и усовршување на услугите и производите кои што ги нудиме.